دى مراكز مخ الرجل واللى معظمها هتلاقيها خيانة وخديعة وحاجة تقرف
نبدا مع الاجزاء العلوية من المخ:
(مسافر مع مديرى )
لما يكون بيضحك عليكى وعارف عليكى ستات كل يومين هيجى يقولك معلش سفرية مع المدير
ده على اساس انه فاهم حاجة اصلا فى الشغل عشان يسافر مع المدير
(الخيانة )
اذا وجد الرجل وجدت الخيانة وطبعا وجدنا التاكيد على ان الخيانة جزء لا يتجزا فى الرجل
(الشلة الفاسدة )
طبعا كل الرجالة بيبقوا عايشين دور انه ليه اصحاب وكده وانه مهم عندهم مع انهم لو بوكس عدى هيلمهم كلهم
المشكلة انه الجزء ده فى دماغة يعنى صعب التخلص منه
(انتى اهم من الكورة)
يعنى ساعة الماتش هيقولك قومى من وشى الساعة دى بلا حب بلا نيلة
الجزء الوسطى:
(الشك والغيرة)
هيعملك فيها جيمس بوند ولا الجاسوس الصغير وكنتى فين ورايحة لمين مع انه اصلا اول واحد المفروض يتسال
(مركز الكذب والتصريف)
ااول ماتقوليله كنت فين يقولك والله كنت بفكر فيكى وخبطت فى عمود فارحت المستشفى وكنت برضه بفكر
فيكى ويبدا مسلسل الكذب بتاع الساعة 7 يشتغل
(مركز التبصييص)
الراجل لازم يبص على كل واحدة ويعلق عليها او يعلقها حاجة من اتنين ليه بقى ده من دافع انه الجزء ده
متحكم وواخد مساحة كبيرة عايزة تخلصى من الجزء مفيش حل غير انك تعميه
الجزء السفلى :
(مساحة فارغة)
الجزء ده يدل على ان الهبل اللى عندهم ده مش لوحده الجزء الفاضى ده بيدلهم حبة هبل على غباء
(عندى اجتماع مهم )
كدبة رائعة سواء للخروج مع الشلة الفاشلة او لمقابلة واحدة يعنى الخيانة
(ما عندى فلوس)
قصقصى ريش الراجل اول باول عشان تبطلى الجزء ده تماما يعنى اوعى تخلى مليم فى جيبه والا انتى الخسرانه
هيطير على غيرك فورا
نيجى للاجزاء الصغيرة اللى احيانا بيتغلب عليها الكذب والتبصيص والخيانة لانهم الاكبر والاكثر تحكما:
(التفكير )
الرجل لا يفقه شئ عشان يفكر ولو اجهد نفسه وفكر بيبقى فى حاجات هبلة وملهاش لازمة
(الصدق)
طبعا ده ملاحظين انه نقطة صغيرة بالنسبة للكذب فملوش تاثير والمتحكم الكذب
(الحب)
برضه جزء صغير بيستخدمه عشان يمثل الكذبة صح
بس كده
نصيحة لكل امرأة : اوعى تامنى لراجل وخصوصا شباب اليومين دول لان دماغهم انتم شفتم انا مش هتكلم
لو الموضوع عجبك سيب رد...معجبكش ....انت حر بقى AG
الإثنين 2 يونيو - 16:22
